सोसल मिडिया
हाम्रो बारेमा
वीरगंज - पर्साको सखुवा प्रसौनी गाउँपालिका वडा नम्बर ३ अन्तर्गत कटैया र गुलवरिया क्षेत्रमा प्रतिनिधिसभा निर्वाचन क्षेत्र नम्बर ३ का नेकपा एमालेका उम्मेदवार रूपेश पाण्डेयले घरदैलो कार्यक्रम गरेका छन्।
घरदैलोका क्रममा उम्मेदवार पाण्डेयले आफू , अरू जस्तो नहुने र नगर्ने कामको झुटो आश्वासन नदिने प्रतिबद्धता व्यक्त गरेका छन्।
उनले जनताको आवश्यकता र हितका लागि विकासका सम्पूर्ण कार्यहरू विजयी भएपछि पूरा गर्ने अठोट लिएको बताएका छन्।
पाण्डेयले स्थानीय मतदातालाई अरूको झुटो आश्वासनमा नपर्न आग्रह गर्दै आफू विजयी भएपछी स्वच्छ र स्पष्ट भिजनसहित जनताको सेवा गर्ने अवसर दिने विश्वास व्यक्त गरेका छन्।
साथै, क्षेत्र नम्बर ३ का जनताले आफूलाई मतदान गरी विजयी बनाउनेमा पूर्ण विश्वास रहेको पनि उनले बताए।
घरदैलो कार्यक्रममा पूर्वमन्त्री तथा एमालेका नेता प्रमोद जैसवाल लगायत पार्टीका अन्य नेता तथा कार्यकर्ताहरूको उल्लेख्य सहभागिता रहेको थियो।
