पर्सा । फागुन २१ गते हुने प्रतिनिधिसभा सदस्यको निर्वाचन नजिकिँदै गर्दा पुराना पार्टी परित्याग गरि नयाँ पार्टीमा प्रवेश गर्नेको लर्काे नै चलेको छ ।

पर्सागढी नगरपालिकामा दुर्ई दर्जन युवाहरू कांग्रेस पार्टी परित्याग गरी राष्ट्रिय स्वतन्त्र पार्टी (रास्वपा) मा प्रवेश गरेका छन् ।

राष्ट्रिय स्वतन्त्र पार्टी पर्सागढी नगरपालिका सभापति कवि अर्यालको अध्यक्षतामा मनवा बजारमा भएको पार्टी प्रवेश कार्यक्रममा रास्वपाका नेता चन्द्रभुषण सिंहले युवाहरूलाई रास्वपामा प्रवेश गराएका हुन ।

पर्सागढी नगरपालिका युवा समाजसेवी रविशंकर दास चौधरी, वडा न –९ का नेपाली कांग्रेसका वडाध्यक्षका प्रत्यासी निरज चौधरी,  भु. पु. प्रहरी रामाधारी यादब, समाज सेवी मीन बहादुर भण्डारी लगायत दुई दर्जन युवाहरू पार्टीमा प्रवेश गरेका छन् ।

नवप्रवेशीहरूलाई नेता सिंहले पार्टीमा स्वागत गर्दै फागुन २१ गतेको निर्वाचन पश्चात देशमा बालेनको  नेतृत्वमा सरकार बन्ने र सोही सरकारले देशमा सुशासन ल्याउने बताए ।