सोसल मिडिया
हाम्रो बारेमा
वीरगंज। प्रो - क्लब च्याम्पियन टी–२० क्रिकेट प्रतियोगितामा दोस्रो दिनको खेलमा सशस्त्र प्रहरी बलले युपी ११ लाई ८ रनले हराएको छ ।
नारायणी रंगशालामा जारी प्रतियोगितामा युपी ११ ले निर्धारित २० ओभरमा ४ विकेटको क्षतिमा ९३ रन मात्र जोडेपछि ८ रनले पराजित भएको हो ।
युपी ११ का लागि निखिल प्रतापले ५० बलमा सर्वाधिक ४१ रन बनाए । यस्तै मन्थन प्रसादले ५१ बल खेल्दै ३९ रनको योगदान गरे ।
सशस्त्र प्रहरीको लागि अमरले २ विकेट लिए । उनले चार ओभरमा १७ रन दिएका थिए । अर्का बलर कमल र नारायणले एक - एक विकेटले पाए । कमलले चार ओभरमा १७ रन र नारायणले चार ओभरमा २३ रन दिए ।
यसअघि पहिले ब्याटिङ गरेको सशस्त्र प्रहरी बलले १९ ओभरमा अलआउट हुदै एक सय १ रनको जोडेको हो ।
सशस्त्र प्रहरी बलका लागि हरिशंकर साहले ३२ बल खेल्दै ३४ रन बनाएका थिए ।
भने लोकेश बम १० बलमा १५ रन र अमर सिंह राउतले नटआउट २० बल खेल्दै १२ रनको योगदान दिए ।
यस्तै युपी ११ का बलर तरुणले एक्लै ५ विकेट लिएका थिए । उनले सशस्त्र प्रहरी बलको खेलाडीलाई कमजोर बनाएका थिए ।
तरुणले ४ ओभरमा १६ रन मात्र दिए । अर्को बलर समिमले २ विकेट लिएका थिए । उनले तीन ओभरमा १० रन मात्र खर्चिएका हुन् । युपी ११ का बलर अहमद , निखिल र वासीले एक - एक विकेट लिएका थिए ।
प्रतियोगितामा नेपालका तीन विभागीय टोली आर्मी, पुलिस र एपीएफसहित पर्सा ११ तथा भारतको युपी ११ र वन्डर्स क्लब नोइडाले प्रतिस्पर्धा गर्दैछन् ।
सिंगल राउण्ड रोविनको खेलपछि शीर्ष चार टोली सेमिफाइनलमा प्रवेश गर्नेछन् ।
जहाँ लिगमा पहिलो र चौथो हुनेबीच पहिलो सेमिफाइनल हुनेछ र दोस्रो र तेस्रो हुने टोलीबीच दोस्रो सेमिफाइनलमा हुनेछ ।
