नारायणीका मेसु डा.ठाकुरलाई कारवाही गर्न सांसद यादवको माग, रेम्डीसिभिर लुकाएको आरोप

वीरगञ्ज, २४ बैशाख । पर्सा निर्वाचन क्षेत्र नम्बर १ का प्रतिनिधिसभा सदस्य (सांसद्) प्रदीप यादवले वीरगञ्जस्थित नारायणी अस्पतालका मेडिकल सुपरिटेन्डेन्ट डा. सञ्जय ठाकुरलाई कारवाही गर्न माग गरेका छन् ।

कोरोनाभाइरस महामारीको चपेटमा परेका विरामीहरुको उपचारमा अत्यावश्यक मानिने औषधी रेम्डीसिभिर इन्जेक्सन अस्पतालसँग मौजदात हुँदाहुँदै पनि मेसु डा. ठाकुरले विरामीको उपचारमा नचलाएको आरोप लगाउँदै सांसद् यादवले उनलाई कारवाही गर्न माग गरेका हुन् ।

सासंद् यादवका अनुसार नेपाल सरकारले बैशाख २३ गते नारायणी अस्पताललाई कोरोनाभाइरसबाट सङ्क्रमित नाजुक अवस्थाका विरामीको उपचारमा प्रयोगग गर्न १ सय ५० थान रेम्डीसिभिर इन्जेक्सन उपलब्ध गराएको छ । तर, मेसु डा. ठाकुरको गैरजिम्मेवारीपूर्ण कार्यशैलीका कारण औषधी विरामीको उपचारमा नचलाइएको उनको भनाई छ ।

यादवले सामाजिक सञ्जाल फेसबुक मार्फत आज एउटा पोष्ट लेख्दै डा. ठाकुरलाई कारवाही गर्न माग गरेका छन् ।

error: Content is protected !!