बैंक, बित्तिय तथा बिमा समितिको उपसभापतिमा उधोगी गुप्ता मनोनित

वीरगञ्ज । वीरगञ्जका चर्चित उद्यमी सुवोध कुमार गुप्ता बैंक बित्तिय तथा बिमा समितिको उपसभापतिमा मनोनित भएका छन् ।

नेपाल उद्योग वाणिज्य महासंघले सोमबार काठमाडौँमा गठन गरेको बैंक बित्तिय तथा बिमा समितिको उपसभापतिमा गुप्ता मनोनित भएका हुन् ।

गठित समितिले नेपालका सम्पूर्ण बैंक, वित्तीय संस्था, विमा कम्पनी लगायतहरूसँगको समन्वयमा देशको उद्योग व्यवसायलाई उकास्न भूमिका खेल्ने छ ।

नेपाल उद्योग वाणिज्य महासंघको केन्द्रिय सदस्यमा निर्वाचित भइसकेपश्चात उक्त समितिको उपसभापतिमा मनोनित हुनुलाई अर्थपुर्ण रुपमा हेरिएको छ ।

नेपाल तेल, चामल, दाल संघका केन्द्रिय अध्यक्षसमेत रहेका गुप्तालाई बित्तिय समितिको उपसभापतिमा मनोनित गरिएको महासंघका केन्द्रिय अध्यक्ष शेखर गोल्छाद्वारा जारी विज्ञप्तीमा उल्लेख गरिएको छ ।

महासंघका कार्यकारिणी समिति सदस्य शाहिल अग्रवालको सभापतित्वमा गठित समितिको उपसभापतिमा गुप्ता चयन भएकोमा वीरगञ्ज उद्योग वाणिज्य संघले पनि खुशी व्यक्त गरेको छ । गुप्ता वीरगञ्ज उद्योग संघका वरिष्ठ उपाध्यक्षपनि हुन् ।

महासंघले गठन गरेको अन्य कयौँ कमिटीमा समेत गुप्ता सदस्यका रूपमा मनोनित भएका छन् ।

यसमा तपाईंको प्रतिक्रिया:

अाफ्नाे प्रतिक्रिया लेख्न यहाँ क्लीक गर्नुहाेस्

error: Content is protected !!