नया सदस्य सिफारिश प्रकरण : प्रदेशको निर्णय अस्वीकार गर्ने पत्रकार महासंघ पर्साको निर्णय

वीरगंज । पत्रकार महासंघ पर्सा शाखाले सिफारिश गरेका मध्य तीनजनालाई सदस्यताबाट बन्चित गर्ने निर्णयलाई अस्वीकार गर्ने निर्णय गरेको छ ।

पर्सा शाखाले सबै प्रक्रिया र मापदण्ड पुरा गरेर सदस्यता सिफारिश गरेपनि शाखालाई कुनै जानकारी निदिइ कुनै सोधपुछ समेत नगरि प्रदेश समितिले सदस्यता सिफारिशबाट नाम हटाएको र चोरबाटो बाट थप सदस्यको सिफारिश समेत गरेको भन्दै शाखाले त्यसलाई नमान्ने निर्णय गरेको शाखाका उपाध्यक्ष अनुप तिवारीले बताउनु भयो ।

सामान्य सिद्धान्ताको पालना समेत नगरि प्रदेशमा भएकाहरुले आफूखुशी नाम थप्ने र हटाउने काम गरेको पाइयोे उपाध्यक्ष तिवारीले भन्नु भयो सदस्यता बितरणको प्रारम्भिक अधिकार शाखामा निहित रहे पनि प्रदेशले त्यसलाई उल्लघंन गरेकोले ”अस्वीकार“ गर्ने अप्रिय निर्णय गर्नु परेको बताउनु भयो ।

नेपाल पत्रकार महासंघ प्रदेश समिति २ का  अध्यक्ष दीपेन्द्र चौहान र सचिव गुरु गौतमले नयाँ सदस्यता  र सदस्यता नविकरण सम्बन्धमा एकपक्षीय रुपमा लाकेतान्त्रिक बिधि र प्रक्रिया बिपरित सिफारिश गरेको भन्दै प्रदेशका बिभिन्न शाखाले असहमती र बिरोध जनाउदै आएका छन । त्यही क्रममा पर्सा शाखाले  त्यस्तो निर्णय नमान्ने भन्दै संस्थागत निर्णय गरेको हो ।

नेपाल पत्रकार महासंघ पर्सा शाखाको बैठकले   २४ औं साधारण सभा भब्य रुपमा सम्पन्न भएको निष्कर्ष निकाल्दै सभा सफल पार्ने सबै संचारकर्मी प्रति आभार प्रकट गर्ने निर्णय गरेको छ ।

पुनरावलोकनको लागि आवश्यक प्रकृया अघि बढाउने निर्णय समेत गरेको छ । आजको बैठकले आगामी फागुन महिनामा कार्य समितीका पदाधिकारी एवं सदस्यहरुलाई अन्य जिल्लामा महासंघले गरेको गतिबिधिको अवलोकन गर्न भ्रमणमा जाने निर्णय गर्दै त्यसको लागि कार्य समितिको सबैले निजी रुपमा ५ हजारका दरले ब्यहोर्ने निर्णय गरेको छ ।

अध्यक्ष श्याम बन्जाराको अध्यक्षतामा बसेको बैठकमा उपाध्याक्ष अनुप तिवारी, सचिब युवराज खड्का, उप सचिब निलिमा पौडेल, कोषाध्याक्ष भूषण यादब, सदस्याहरु शसुष्मा शर्मा, सञ्जिब मिश्र, जियालाल साह, सफल खतिवडा, मनोज पटेल, प्रणय कुमार साह, पुष्पराज तिमस्सिना लगायतको सहभागिता रहेको थियो ।

error: Content is protected !!