पर्सामा थप ११७ जना संक्रमित थपिए, बहुदरमाई नगरपालिकाको मात्रै ८९ जना

वीरगञ्ज,०३ भदौ । नारायणी अस्पतालको प्रयोगशालामा मंगलबार राति गरिएको परीक्षणमा १ सय १७ जना कोरोना संक्रमित थपिएका छन् । तीमध्ये चार जना बारा र एक जना सप्तरीका छन् ।

नारायणी अस्पतालका चिकित्सक डा. नीरजकुमार सिंहका अनुसार ३५ महिलासहित १ सय १७ जनामा कोरोना संक्रमण पुष्टि भएको हो । तीमध्ये ८९ जना पर्साको बहुदरमाई नगरपालिकाका बासिन्दा हुन् ।

गत साउन ३१ मा बैरिया बिर्ता र भौराटारमा स्वाब संकलन गरिएको थियो । बहुदरमाई नगरपालिका–५ भौराटारमा मात्र ६४ जनामा पोजिटिभ देखिएको छ ।

यसै गरी नगरपालिकाको वडा नं २ बैरियाविर्ता पिप्रामा २०, नगरदाहामा ४ र गम्हरियामा एक जनामा कोरोना संक्रमण पुष्टि भएको छ । जिराभवानी गाउँपालिकामा ४ र छिपहरमाईमा एक जना संक्रमित थपिएका छन् ।

बारास्थित चन्दन गणका चार जनामा संक्रमण पुष्टि भएको छ । वीरगन्ज महानगरपालिकाको नगवा, घडीअर्वा, छपकैया, ताजपुर, बहुअरी, गण्डक, चन्डाल चौक, भिस्वा, रेसमकोठी, मुर्लीमा पनि संक्रमित थपिएका छन् ।

error: Content is protected !!