सहायताको खोजी गर्नेहरुका लागि वीरगञ्जमा कोभिड एक्सन टिम (CAT) गठन

वीरगञ्ज । समुदायमा कोरोना रोग फैलिरहेकोले नियन्त्रणका लागि सरकारी संयन्त्र तथा स्वास्थ्य संस्थासंग समन्वय गर्न वीरगञ्जमा कोभिड एक्सन टिम CAT गठन भएको छ ।

जिल्ला समन्वय समिति पर्सामा बसेको बुद्धि जिविहरुको बैठकले कोभिड एक्सन टिम CAT गठन गरेको हो । बैठकले जिल्ला समन्वय समिति पर्साका सभापत्ति नेक महमद अंसारीको संयोजक्त्तवमा एक सक्रिय समुहको निमार्ण गरेको छ ।

सो समुहमा नेपाली काग्रेसका नेता श्याम पटेल, जनता समाजवादी पाटीका नेता तबरेज अहमद, नेकपाका संजिव मिश्रा, नेपाल पत्रकार महासंघका उपाध्यक्ष अनुप तिवारी, वीरगञ्ज उधोग बणियज्य संघका मनोज कुमार दास, संचारकर्मी राजन रौनिया, राजेन्द्र सिंह, शम्भु कुमार सुमन, नरेश सरार्फ, हरि प्रसाद कुर्मी, सदस्य रहनु भएको कार्यदल गठन भएको हो ।

कारोनाबाट बिचल्ली भएको र सो रोग नलागे पनि अन्य रोगको उपचार अभावका कारण अनाहकमा ज्यान गुमाउन थाले पछि सो समुह सर्व साधारणको सहयोगका लागि निमार्ण भएको CAT संयोजक नेक महमद अंसारीले जानकारी दिनु भयो ।

यता, जनता समाजवादी पार्टीका सचिव तथा समुहका सदस्य तबरेज अहमदले निशुल्क साहयता कक्ष संचालनमा ल्याई चारवटा हेल्प लाईनबाट जनताको सहायताको निम्ती प्रयोगमा ल्याईको जानकारी दिनु भयो ।

समयमा उपचार नपाएको वीरगञ्जको पछिल्लो उदाहारणले निकै पिडादायक घटनालाई स्मरण गर्दै उहाँले समस्या तथा समाधानको रुपमा यो कार्यदल पुलको भुमिका निर्वाह गर्ने बताउनु भयो ।

त्यस्तै एक हप्ताको अथक प्रयासबाट गठन भएका कार्यदलले सम्पुर्ण पर्साबासीको लागि काम गर्ने नेपाली काग्रेसका नेता श्याम पटेलको भनाई छ । वहाँले कहि कतै समस्या भएको खण्डमा ९८४५०२२०७३, ९८५५०२८१८२, ९८५५०४००७५, ९८५५०३३६०१मा सम्पर्क गर्न पनि अनुरोध गर्नु भयो ।

यसै बिच, सर्व साधारणको सहायोग तथा कार्यदल सम्मको सम्पर्कका निम्ती मिडिया सेन्टर समेत निर्माण भएको छ ।

संचारकर्मी राजन रौनियारको संयोजक्त्तवमा ५ सदस्य कमिटी बनाईएको हो । कमिटिमा संचारकर्मी राजेन्द्र सिंह राजपुत, शम्भु कुमार सुमन, नरेश सरार्फ तथा आरोहण साह रहेको बताईएको छ ।

error: Content is protected !!