‘लकडाउन’मा गरिव र निमुखालाई निःशुल्क दैनिक उपभोग्य बस्तु उपलब्ध गराउन सरकार संग सांसद यादवको माग

कोरोना संक्रमण रोक्न तिनै तहको सरकारलाई मिलेर अगाडी बढ्न सांसद यादवको आग्रह

वीरगञ्ज, १३ चैत्र । कोरोना (कोभिड–१९) भाइरसको महामारीले गर्दा बिश्वब्यापी रूपमा उत्पन्न भएको मानवीय संकटको संवेदशील घडीमा संघीय सरकर, प्रदेश नम्बर २ सरकार र स्थानीय तहलाई प्रभावकारी ढंगले अगाडि बढ्न प्रतिनिधिसभा सदस्य प्रदीप यादवले सुझाव दिएका छन् ।

संघीय सांसद प्रदीप यादवले बिहिबार एक प्रेस विज्ञप्ति जारि गर्दै कोभिड-१९ नियन्त्रणका लागि तिनै तहको सरकारको प्रभावकारी भुमिकाको आवश्यक रहेको बताएका छन् ।

उनले प्रदेश नं. २ मा कोरोना संक्रमणलाई रोक्न स्थानिय सरकार तथा जनप्रतिनिधिहरुको सक्रियता र सहयोगमा प्रभावकारी क्वारेन्टाइन केन्द्रहरुको स्थापना गर्न संघीय सरकार र प्रदेश सरकारसंग माग गरेका छन् ।

सांसद यादवले विगतको दुइ हप्तामा विदेशबाट आएका सबै नागरिकहरुलाई पहिचान गरी क्वारेन्टाइनमा राख्ने अभियान वडा स्तरसम्म स्थानीय तहसंग समन्वय गरेर चलाउनु अहिलेको सबैभन्दा ठुलो आवश्यकता भएको बाताउदै तिनै तहको सरकारलाई यसमा सक्रिय भूमिका खेल्न आग्रह गरेका छन् ।

‘विश्वस्तरमै ठुलो महामारीका रुपमा फैलिएको कोरोना रोग सङ्क्रमणले सम्पुर्ण मानवजाती नै चुनौति पुर्णका अवस्थाबाट गुज्रीरहेको छ ।

रोगको सक्रमणलाई फैलिन नदिन संघीय सरकारले लकडाउनको घोषणा गरेता पनि रोगको महामारीलाई मध्यनजर गर्दै चेकजाँच र सङ्क्रमित व्यक्तिको उपचारको लागी पनि हामीलाई तैयार रहनु पर्ने अहिलेको मुख्य चुनौति भएकोले कोरोना भाइरस जाच्ने ‘एनटिजेन डिटेक्सन रिएजेन्ट’ (किट) किन्न संघीय, प्रदेश सरकार र स्थानीयसँग यसै प्रेस विज्ञप्तीको माध्यमबाट हर्दिक आग्रह गर्दछु,’ प्रेस विज्ञप्तीमा उल्लेखित छ ।

समाजवादी पार्टीका केन्द्रिय सदस्य समेत रहेका यादवले जनताका आधारभूत आवश्यकताहरुमा तिनै तहका सरकारको सहयोग र साथ यतिखेर अपरिहार्य भएको बताउदै संघीय सरकारले देश्ब्यापी रूपमा गरेको ‘लकडाउन’ले गर्दा आम मजदुर, दैनिक ज्यालादार, सरसफाइकर्मी, साना रोजगार गरेर जीविका चलाउनेहरु, रिक्सा ठेला चालाउनेहरु, कृषि श्रमिक र गरिब तथा असहाय बर्ग समस्यामा परेको छ र घर घरमा दैनिक उपभोग्य सामग्रीको अभावको उत्पन्नले दु:ख व्यक्त गरेका छन् साथै लकडाउनमा गरिव र निमुखालाई निःशुल्क दैनिक उपभोग्य बस्तु उपलब्ध गराउन सरकार संग माग गरेका छन् ।

उनले मानिसहरूले बाच्नका लागि चाहिने उपभोग्य बस्तुको आपूर्तिमा आम मानिसको लागि समस्या समाधान गर्ने संयन्त्र अबिलम्ब स्थापना गर्नको लागी सरकार संग माग गर्दै एउटा हेल्पलाइनको स्थापना गरेर जनताको सहयोगीका रुपमा अगाडि आउन संघीय, प्रदेश र स्थानीय सरकारलाई सुझाव दिएका छन् ।

प्रेस विज्ञप्तिमा उनले भनेका छन्, ‘प्रदेश नम्बर २ का नागरिकहरुको जीवन रक्षाका लागि यस चुनौतिपुर्ण घडीमा प्रदेश सरकारले गरेको सहयोगी भुमिका अझ बढाउन अनुरोध गर्दछु । प्रदेश नम्बर २ का नागरिकहरुको जिवन रक्षाका लागि सहयोगी बन्न अनुरोध छ ।

प्रदेश नम्बर २ मा मानव सुचकांकको आधारमा पिछडीएको प्रदेश रहेको र रोगका कारण उत्पन्न भएको वर्तमान चुनौतीपुर्ण अवस्थामा आवश्यक स्वास्थ्य सेवाका लागि पुर्वाधार, उपकरण, प्राविधिक क्षमता र औषधी आपुर्तीमा यहाँ बिशेष ध्यान दिन आवश्यक छ ।’

error: Content is protected !!