प्रदेश स्तरीय जुत्ता-चप्पल व्यापार मेला वीरगंजमा, ५० प्रतिशत छुट दिईने

वीरगंज,३ माघ । वीरगंजमा एक महिना चल्ने प्रदेश स्तरीय जुत्ता चप्पल व्यापार मेला आयोजना हुने भएको छ । अगामि माघ ६ गते देखि फागुन ५ गते सम्म चल्ने मेलामा नेपाल भारतका करिब २ लाख ग्राहक तथा उपभोक्ताहरुलाई मेलाको भ्रमण अवलोकन गराई १ लाख जोडी जुत्ता चप्पल बिक्री गर्ने लक्ष्य राखिएको मेला आयोजक समितिले जनाएको छ ।

नेपाल पत्रकार महासंघ पर्साको सभाहलमा आयोजित पत्रकार सम्मेलनमा आयोजकले मेलाको बारेमा विस्तृत जानकारी गराएको हो । वीरगंज घण्टाघर स्थित मधेसी सहिद पार्कमा लाग्ने मेलामा ७ वटा विभिन्न कम्पनिको ४० भन्दा बढि स्टल राखिने छ ।

मेलामा स्वदेशी ७ वटा कम्पनिको विभिन्न ब्रान्डका जुत्ता चप्पल सस्तो शुलभ दाममा बिक्री गर्ने तयारी रहेको मेला समितिका रामकृष्ण परसाइले जानकारी गराए । मेला अवधी भर हरेक जुत्ता चप्पलको जोडीमा १५ देखि ५० प्रतिशत सम्म छुट अफर रहेको उनले बताए ।

शिखर सुजका प्रबन्ध निर्देशक समेत रहेका परसाईँले मेलामा शिखर,रन,बिएफ डियर हिल,सुज ल्यान्ड,कोसेली,क्रस रोल,हिल लाइफ गरी कुल ७ स्वदेशी कम्पनीको उत्पादन बिक्रीको लागि राखिने जानकारी दिए ।

स्वदेशी उद्योगलाई प्रवद्र्धन गर्न र भिजिट नेपाल शुरु भएको देशमा देशको विभिन्न कुना कपचाको उपभोक्ताहरुलाई सस्तो दाममा फूटवेयर अर्थात जुत्ता चप्पल बिक्री गरी स्वदेशी उद्योगलाई प्रवद्र्धन तथा संरक्षण गर्न मेलाको उदेश्य रहेको मेला सञ्चलक समितिका रुद्र न्यौपानेले जानकारी गराए ।

पत्रकार सम्मेलनका प्रमुख अतिथि तथा नेपाल पत्रकाकर महासंघ पर्साका अध्यक्ष श्याम बन्जाराले प्रदेश नं २ मा पहिलो पटक देशकै आर्थिक नगरी वीरगंजमा लाग्ने यस्तो मेलाले नेपाली ग्राहक संग संगै भारतीय उपभोक्ताको लागि पनि राम्रो अवसर भएको विचार व्यक्त गरे ।

उनले स्वदेशी उत्पादनहरुमा राम्रो र गुणस्तरीय जुत्ता चप्पलका उद्योगहरुले देशमा आत्मनिर्भर भई यस्तो किसिमको मेला आयोजना हुनु र सस्तो दाममा जुत्ता चप्पल खरिद गर्ने अवसर भएकोले यो सबै उपभोक्ताहरुको लागि खुशीको कुरा भएको बताए ।

उनले मेला अवधी भर पर्साका सञ्चारकर्मीहरुबाट आवश्यक पर्ने मिडिया सहयोग गर्ने प्रतिवद्धता समेत व्यक्त गरे ।

बिराटनगर,हेटौडा,बुटवल,पोखरा,काठमाडौ पछि प्रदेश २ को वीरगंजमा प्रदेश स्तरीय जुत्ता चप्पल व्यापार मेला आयोजना हुन लागेको न्यौपानेले बताए । पत्रकार सम्मेलनमा पत्रकार अनिल तिवारीको सहजीकरण रहेको थियो ।

error: Content is protected !!