सरकारलाई सांसद यादवको प्रश्न : रोजगार शिक्षकलाई बेरोजगार बनाई गाई भैसी चराउन पठाउने

काठमाण्डौ,२२ फागुन । संघिय समाजवादी फोरम नेपालका सांसद प्रदिप यादवले रोजगारीको कुरा गर्ने सरकारले राहत शिक्षकहरुलाई बेराजगार बनाई गाई भैसी बाख्रा चराउन पठाउने तर्फ सरकार लागी परेको आरोप लगाउनु भएको छ ।

आज संघिय संसदमा बोल्दै पर्सा निर्वाचन क्षेत्र नम्बर १ बाट निर्वाचीत प्रतिनिधि सभा सदस्य सांसद यादवले राहत शिक्षकहरुको सवालमा सरकारले दोहोर चरित्र देखाएको आरोप लगाउनु भयो ।

सांसद यादवले सरकारको ड्राफटमा राहत शिक्षकलाई २० प्रतिशत आन्तरिक प्रतिस्पधाबाट स्थायी गर्ने र ८० प्रतिस्त शिक्षकको जागीर चट गर्ने सरकारको योजना रहेको संसदमा खुलासा गरे ।

४० हजार राहत शिक्षक मध्ये ८ हजारले जागीर पाउने र ३२ हजारले बच्चाहरुलाई पढाउन छोडेर गाई भैसी बाख्रा चराउन पठाउने सरकारको रणनिती रहेको उनले दावी गरे ।

एकातीर सरकारकाले भनि रहेको छ कि हाम्रो योजना छ हामी ५ लाख बेरोजगारलाई रोजगारी दिने र अर्को तर्फ रोजगारमा रहेका राहत शिक्षकहरुलाई बेरोजगार बनाउने सरकारको दोहोरो चरित्र बुझिनसक्नु अवस्था रहेको बताउनु भयो ।

सांसद यादवले एकातीर सरकारले शिक्षकहरु सित सम्झौता गर्ने र अर्को तर्फ पालन नगर्ने दोहोर चरित्रमा सरकार देखीएको छ उनले भने । राहत शिक्षक र सरकार विच स्थायी दरवन्दीमा परिणत गर्ने सम्झौता गरेको थियो तर अहिले आएर जुन शिक्षक एन बनाइरहेको अवस्था छ प्रारमभीक एनमा त्यो कुरा छुटाएकोले सरकारको दोहोरो चरित्र उदांगिएको उहाले आरोप समेत लगाउनु भयो ।

संसद मार्फत सरकारलाई अनुरोध गर्दै सांसद यादवले राहत शिक्षकहरु संग वार्ता गरी तिनीहरुका समस्या सामाधान तर्फ सरकारको ध्यानाकर्षण गराएका थिए ।

गणतन्त्र आइसक्यो तर पञ्चायती शैलीमा घेरा हालेर राहत शिक्षकहरुको शान्तिपुर्ण जुलुशमा एक्काशी प्रहरीद्वारा दमन गरिएको प्रती खेद प्रकट समेत गर्नु भयो ।

error: Content is protected !!