श्याम कुशवाहा/वीरगञ्ज, १३ असार । मधेश प्रदेश सरकारका गृह तथा सञ्चारमन्त्री भरत प्रसाद साहले वीरगञ्ज कारागारको निरीक्षण गरेका छन ।
सोमबार दिउसो वीरगञ्जको विर्ता स्थित रहेको कारागारमा पुगेर मन्त्री साहले निरीक्षण गरेका हुन ।
वीरगञ्ज कारागार प्रमुख कृष्ण गैरेले मन्त्री साहलाई कारागार भित्रको अवस्थाका बारेमा जानकारी दिनुका साथै कारागार भित्र निरीक्षण समेत गराएका थिए ।
पुरुष कैदी बस्ने भवन तथा महिला कैदी बस्ने भवनको पनि मन्त्री साहले निरीक्षण गरेका थिए ।
निरीक्षणका क्रममा मन्त्री साहले कारागार भित्र कैदीहरुको बस्ने अवस्था दयनीय रहेको बताए ।
वीरगञ्ज कारागारको भौतिक पुर्वाधारको अवस्था जिर्ण रहेको बताउदै यस्को तत्काल अल्पकालिन समाधान भन्दा पनि दिर्घकालिन समस्या सामाधान गर्नका लागी संघिय सरकार संगको समन्वयमा वीरगञ्जको घना बस्ती भन्दा बाहिर सारेर नयाँ कारागार भवन बनाउन पहल गर्ने बताउनु भयो ।
वीरगञ्जको छेउ छाउमा रहेको सरकारी खाली जग्गालाई सदुपयोग गरेर ठुलो क्षेत्रमा भवन बनाउन सकियो भने कैदी बन्दीको जिवन सहज हुन्थ्यो मन्त्री साहले भने ।
मन्त्री साह संगै प्रदेश सांसद पस्मिना कादरी तथा सञ्चारकर्मी लगाएत रहेका थिए । वीरगञ्ज कारागारमा अहिले क्षमता भन्दा बढी कैदी बन्दी रहेका छन ।
